jaag kar main guzaar deta hon
raat k badmizaj wo lamhay
chand jin main bohot akela ho
raat k na muraad wo lamhay
jin main be chain c koi mayyat
zindgi k liye tarasti ho
aor ghutt ghutt k saans leti ho
aor taaron main soag barpa ho
raat k be qarar wo lamhay
jin main ankhen faqat barasti hon
ik teri deed ko tarasti hon
raat k be sabaat wo lamhay
hosla jin main toot jata hai
hijr bhi shaan se khara ho kar
door se qehqahay lagata hai
raat k in tamaam lamhon ko
tu na aa kar guzaar deta hai
No comments:
Post a Comment