guzar chuka hon kisi lamakan se pehle hi
yakeen kar liya main ne gumaan se pehle hi
muje zameen pe rehne ka shoq hi kab tha
gira hua hon kisi aasman se pehle hi
yeh ap apne karam apne paas hi rakhye
main mil chuka hon kisi mehruban se pehle hi
mureed e ishq hon dkhlao mat dar e dunia
main munsalik hon kisi aastan se pehle hi
so ab wo mujh ko younhi kharch karta rehta hai
bacha k rakha tha jis ne zeyan se pehle hi
yeh kis liye hai jigar zakhm zakhm kuch to kaho
ye teer kis ne chalaya gumaan se pehle hi
usi ne der laga di thi zain anay main
main agya tha kooye dilbaran se pehle hi
No comments:
Post a Comment