ab kese batayen tumhain kesa nahi socha
per hum ne tumhain doosron jesa nahi socha
logon ne bana rakhi hain baten tere baray
hum ne to tere baray main wesa nahi socha
tu ne bhi hamain chahnay jesa nahi chaha
hum ne bhi tujhay sochne jesa nahi socha
tu paas nahi, aor tujhay paas na paa kar
tu hum se juda hai kabhi aisa nahi socha
tu ne bhi mujhay soch k kaatay thay kayi din
kya tu ne mujay ab kabi wesa nahi socha
tujh ko bhi main badla hua lagta hon meri jan
main ne bhi tujhay wese ka wesa nahi socha
izhaar e muhabbat pe mujhay us ne kaha tha
aisay nahi dekha tujhay aisa nahi socha
No comments:
Post a Comment