Muhabbat Yun bhi Mumkin hai

" Muhabbat Yun bhi Mumkin hai "

Na Usko Dair tak Takna,

Na Us Say Bohat Si Baatain,

Na Koi Pyar k Qissay,

Na Aakhir Shab Manajaatay,

Muhabbat Yun bhi Mumkin hai....

Kabhi Kuch Aam Say Jumle,

Kabhi Kuch Aam Si Baatain,

Kabhi Bas Muskura Dena,

Kabhi Nazren Chura Lena,

Muhabbat Yun bhi Mumkin hai....

Na Shokhi hO JazbOn main,

Na Zyada Unss RangOn main,

Na Zyada Rabt Pholon Say,

Na Zyada Soch main Rehna,

Muhabbat Yun bhi Mumkin hai....

K Jisko Chahte hOn Hum,

 Na UskO Yeh Bata Paana,

K Uski Chah ko Har Dum,

Dil main hi Chhupa Rakhna,

Muhabbat Yun bhi Mumkin hai....

Na Naghma Geet hO Koi,

Na Meetha Saaz hO Koi,

K Dil main Yun Chhupa Rakhna,

K Jaise Raaz hO Koi,

Muhabbat Yun bhi Mumkin hai....

Muhabbat Yun bhi Mumkin hai....!!